Нов доказ за тоа дека Аморим и дефинитивно не го есапи Рашфорд

December 18, 2024 | Kristijan Trajchov | Свет

Фудбалерот на Манчестер Јунајтед, Маркус Рашфорд, се најде во центарот на внимание поради тоа што остана надвор од списокот на играчи што Рубен Аморим ќе ги поведе за гостувањето кај Тотенхем во четвртфиналето на Лига Купот. Ваквата одлука и не е нешто ново со оглед на тоа што Рашфорд не беше повикан ниту за дуелот со Манчестер Сити, а ова е нов доказ дека Аморим е јасен во однос на тоа што мисли за Рашфорд. Ваквиот развој на ситуацијата не дојде како големо изненадување, особено по изјавата на Рашфорд во која тој ја изрази својата подготвеност за нови предизвици, само неколку дена по големата победа на Јунајтед против Манчестер Сити. Очигледно, оваа изјава не беше по волја на Аморим, кој сега го остави надвор од составот за важниот меч против Тотенхем. Овој потег на тренерот изгледа како навестување на можна разделба. Противположна е ситуацијата со Алехандро Гарначо, кој исто така беше изоставен од составот за натпреварот со Сити, но сега се враќа во тимот и се очекува да биде на располагање за претстојниот дуел со Тотенхем. Овој тренд на промени и напнатости во составот на Јунајтед дополнително ја зголемува неизвесноста околу иднината на некои играчи во клубот.

Не е дозволено копирање и користење на содржините без да бидат исполнети
Условите за користење на содржините.