ЕП: Преглед на Групата Б, три квалитетни селекции и еден аутсајдер

June 15, 2024 | Kristijan Trajchov | Анализи

Групата Б на ова Европско првенство е сочинета од Италија, Шпанија, Хрватска и Албанија. Три селекции кои поседуваат огромни квалитети и ќе биде интересно да се види кој ќе заврши како победник во групата, а Албанија се смета за аутсајдер во оваа група. На ред за анализа е Групата Б на ова Европско првенство каде ќе прикажеме за квалитетите на секоја селекција и за тоа која селекција колкави шанси има да оди понатаму. Италија Италија е актуелен шампион, но напредокот во осминафиналето нема да биде лесен. Лучијано Спалети е менаџер од светска класа кој знае како да го добие најдобриот одговор од своите играчи. Но, тимот пелтечеше и се пласираше на турнирот само на последниот натпревар по неубедливото реми на гостувањето кај Украина. Тоа е тим во транзиција и покрај познатите лица во средниот ред, како што се Николо Барела и Мануел Локатели, кои знаат што е потребно за да се победи турнирот. Проблемот може да биде во нападот, каде што нема смртоносен напаѓач, иако треба да се следат Киеза и Скамака. Напаѓачката фокусна точка не е присутна, што значи дека одбранбените играчи и играчите од средниот ред ќе мора да работат понапорно за да и помогнат на Италија да стигне до следната рунда. Неуспехот да напредуваат во следната фаза ќе биде срам, иако од Италија може да се очекува буквално се, и тотален успех и тотален неуспех. Спалети е свесен дека Италија не се смета за една од фаворитите, особено откако е во група со Шпанија и Хрватска, но тој има неколку одлични играчи како Николо Барела, Федерико Киеза, Федерико Димарко и Алесандро Бастони, додека се надеваат дека Џанлука Скамака со неговите голови може да придонесе за овој тим. Шпанија Шпанија победи на 7 од 8-те квалификациски натпревари и изгледа дека ќе биде интересна да се види под водство на менаџерот Луис де ла Фуенте. Комбинацијата на искусни играчи како Родри, Карвахал, Начо па и Мората во комбинација со младите и енергични Педри, Нико Вилијамс и Ламине Јамал ја прават Шпанија една од фаворитите за освојување на турнирот. Нема поголеми недостатоци во овој тим. Тука се играчи и како Дани Олмо, Микел Мерино, Фабиан Руиз, Грималдо кој имаше страшна сезона во Леверкузен, Зубименди, како и Ојазабал. Многу ќе недостасува Гави кој ја носеше таа енергија и агресивност како кај селекцијата така и кај Барселона. Ова дефинитивно не е најсилниот состав на Шпанија каде иако на одредени позиции немаат играчи од светска класа, сеппак станува за прилично квалитетен тим. Се очекува да ги поминат групите на првата позиција и да стигнат далеку на ова Европско првенство. Хрватска Хрватска има силен колективен идентитет, дури и ако огнената моќ напред може да недостасува. Маестрото од средниот ред, Лука Модриќ, како и Брозовиќ и Ковачиќ, ќе му овозможат многу креативни можности на тимот да постигне доволно голови за да се обидат да поминат во следната рунда. Тука е и Иван Перишиќ кој ќе и помогне на селекцијата. Одбранбено, тие се одлични. Примаа само 4 гола во својата квалификациска група од 8 натпревари. Тоа е истиот одбранбен рекорд како Англија и Белгија. Јошко Гвардиол е дефинитивно најзвучното име во одбраната кој со добрите настапи во Лајцпиг си заслуши трансфер во Манчестер Сити. Хрватите имаат неверојатна одбранена дисциплина. Ознаката на Хрватска дека е изненадување е застарена. Ова е тим кој стигна до полуфиналето на Светското првенство на ФИФА 2022 година. Тие треба да се сметаат за предизвикувачи на кој било од етаблираните големи тимови во ова натпреварување. Нападот ќе го водат Андреј Крамариќ од Хофенхајм, Анте Будимир од Осасуна (сезонава 18 гола) и Бруно Петковиќ од Динамо Загреб. Во 2018 година играа и финале на Светското првенство, па несомнено станува збор за неверојатен тим. Селекција која има повеќе од солидно искуство треба да атакува минимум четвртфинале. Албанија Најслабата репрезентација од оваа група дефинитивно. Ова е втор пат за нив да се пласираат на Европското првенство. Албанија е тим создаден за да го наруши статус квото. Ќе биде тешко да се замисли да се помине во група во која се актуелниот шампион Италија, двократниот победник Шпанија и Хрватска. Оваа селекција е предводена од од легендарниот бразилски бек од Барселона, Силвињо. Аутсајдерот, сепак, може да работи во нивна корист, а да завршат како третопласирана екипа е можност доколку добијат позитивен резултат во вториот натпревар против Хрватска. Одиграа одлични квалификации и по ред ги победуваа силните Чешка и Полска. Завршија со четири победи и три порази, а во последното коло ја добија и незгодната Молдавија која претходно ја совлада Полска и беше во налет. Тука е искусниот десен бек Елсеид Хисај, а голман е Томас Стракоша од Брентфорд. Интересен факт е што во нивниот табор е и 38-годишниот Пабло Забалета кој едно време беше капитен на Манчестер Сити и ја заврши кариерата во 2020-та и ова е негово прво тренерско искуство. На Албанија воопшто нема да им смета да се паркираат пред гол и да се бранат. Со своите брзи крилни играчи, тие се потпираат на своите брзи крилни играчи.

Не е дозволено копирање и користење на содржините без да бидат исполнети
Условите за користење на содржините.