Аморим: Баш ми е гајле за Божиќ, мора да победуваме

December 24, 2024 | Kristijan Trajchov | Свет

Екипата на Манчестер Jунајтед во овој момент се наоѓа на 13. место во Премиер лигата, со само шест победи, четири нерешени натпревари и седум порази по 17 кола, што им носи 22 бода. Ситуацијата не успева да ја подобри ниту новиот тренер, Рубен Аморим, кој пристигна од Спортинг Лисабон на 11 ноември, иако допрва се очекува тој да потпише свои играчи и да ги продаде оние на кои не смета. Под негово водство, „црвените ѓаволи“ имаат четири победи, еден реми и четири порази, со гол-разлика 17-17. Во следниот натпревар за два дена, Манчестер Јунајтед ќе се соочи со Вулвс, а Аморим истакна дека божиќните празници не му се важни бидејќи сака само да победи. „Не ми е гајле за Божиќ. Фокусиран сум само на тоа дека мораме да победиме на следниот натпревар. Тоа е единствено нешто што не интересира“, изјави португалскиот стратег. Последниот натпревар на Манчестер јунајтед во Премиер лигата беше пораз од Бормут со 0-3, а во последните четири натпревари, избраниците на Аморим имаат три порази. Иако ситуацијата е тешка, Аморим смета дека победата на „Боксинг деј“ ќе донесе среќа на навивачите. „Тоа е одлично за навивачите. Ние сме привилегирани да играме тогаш и сакаме да победиме“, додаде тренерот.

🚨🗣 - Ruben Amorim on the English culture of playing matches during Christmas: "I just want to win, guys. I don't care about Christmas. Nothing!" 😬 [🎥 - @BeanymanSports]pic.twitter.com/fFHZAWUy2K

— UF (@UtdFaithfuls) December 24, 2024

Не е дозволено копирање и користење на содржините без да бидат исполнети
Условите за користење на содржините.