Аморим: Морам да бидам посилен кога губам

December 27, 2024 | Kristijan Trajchov | Свет

По поразот од Вулверхемптон во 18. коло на англиската Премиер лига, менаџерот на Манчестер Јунајтед, Рубен Аморим, зборуваше за перформансот на неговиот тим. „Кога не победувате и губите, тоа секогаш е чекор назад. Потоа исклучувањето ни создаде проблеми. Примивме ист гол како и во натпреварот со Тотенхем. И тогаш се обидовме да се вратиме, иако играчот беше помалку. Се обидовме да го промениме резултатот, но Вулверхемптон постигна втор гол“, изјави Аморим. Тој изрази разочараност што тимот направи слични грешки како и на претходниот натпревар. „Тоа беше исто како натпреварот со Тотенхем. Истиот гол. Мислам дека Онана овој пат не успеа да ја стигне топката. Се обидуваше, но некои од играчите не реагираа. Но, не сакам да се фокусирам само на тоа. Добро е што бевме блиску до гол, дури и со десетмина“, додаде тој. Аморим истакна дека поразите го прават посилен. „Нема разлика дали победуваме или губиме. Мораме да бидеме професионалци. Кога губам, морам да бидам посилен“, рече менаџерот. Со оваа загуба, Манчестер Јунајтед падна на 14. место на табелата, што е и истата позиција на која тимот беше кога Ерик тен Хаг беше отпуштен.

Не е дозволено копирање и користење на содржините без да бидат исполнети
Условите за користење на содржините.