Аморим: Целта ни е да го победеме Арсенал и да го освоиме ФА Купот

January 10, 2025 | Kristijan Trajchov | Свет

Менаџерот на Манчестер Јунајтед, Рубен Аморим, изјави дека тимот ќе излезе со својот најдобар состав во обид да го елиминира Арсенал и да продолжи понатаму во ФА Купот. „Имавме една недела без натпревари, па нема смисла сега да им давам одмор на некои од играчите. Ќе направиме сè за да победиме, бидејќи сакаме да го освоиме купот,“ изјави Аморим. Во недела, на „Емирати“, Манчестер Јунајтед и Арсенал ќе се соочат во големото дерби од третото коло на овој престижен турнир. „Ова е многу стар турнир со богата историја. Се сеќавам на финалињата кои ги гледав, особено на она кога ја освоивме тројната круна. Сега сме свесни дека не очекува многу тежок натпревар. Нашата цел е победа и напредување,“ додаде тој. Аморим увери дека натпреварите од Премиер лигата нема да добијат приоритет пред ФА Купот. „Понекогаш е подобро да се добијат вакви натпревари, без размислување за помалку време за одмор. Ќе размислиме за следниот натпревар подоцна“, истакна менаџерот. Се очекува возбудлив дуел меѓу двата големи ривали, со оглед на важноста што Манчестер Јунајтед ја посветува на ова натпреварување.

Не е дозволено копирање и користење на содржините без да бидат исполнети
Условите за користење на содржините.