Фердинанд: Три играчи мора да заминат од Јунајтед

January 21, 2025 | Kristijan Trajchov | Свет

Легендата на Манчестер Јунајтед, Рио Фердинанд, изјави дека сака „црвените Ѓаволи“ да продадат тројца играчи пред крајот на преодниот рок. Се очекува неколку фудбалери на Манчестер Јунајтед да го напуштат клубот во јануари, доколку се верува на актуелните гласини. Маркус Рашфорд, Тајрел Маласија, Алехандро Гарначо и Антони се поврзуваат со заминувања од „Олд Трафорд“. Јунајтед мора да собере средства ако сака да купи нови играчи на зимскиот пазар, а Рубен Аморим ги идентификува фудбалерите кои не се вклопуваат во неговиот систем или стил на игра. Антони ќе замине во Реал Бетис на позајмица од Јунајтед, додека Наполи веќе испратил две понуди за Гарначо. Рашфорд е предмет на интерес од Барселона, Борусија Дортмунд, Марсеј и Монако, додека Маласија исто така би можел да замине. На прашањето за иднината на Рашфорд, Маласија и Антони, Фердинанд имаше што да каже на својот канал на YouTube.

„Мислам дека Антони заминува. Некој ми рече дека ќе оди во Реал Бетис или некаде таму. Пуштете ги да си одат! Извинете, само сум искрен. Колку подолго овие играчи останат, толку повеќе создаваат лоша атмосфера. Сите тие сакаат да си заминат, сите се среќни да заминат, па пуштете ги и започнете одново. Ако има играчи кои се незадоволни и не сè оди според планот, тоа создава токсична, лоша енергија што се шири низ соблекувалната. Тоа ја прави ситуацијата мрачна и депресивна. Ќе беше во ред ако тимот блескаше, бидејќи таквите играчи би останале во позадина, но е особено лошо кога не победувате“, вели Фердинанд.

Не е дозволено копирање и користење на содржините без да бидат исполнети
Условите за користење на содржините.