Флик го пофали гестот на Гави: Дал предност друг да влезе во игра

January 27, 2025 | Kristijan Trajchov | Свет

Барселона приреди вистински фудбалски спектакл во натпреварот против Валенсија, завршувајќи со неверојатни 7:1. По натпреварот, тренерот Ханси Флик сподели интересни детали од случувањата на теренот и задоволството од играта на својот тим.

„Играчите кои инаку добиваат помалку шанси беа фантастични. Покажаа свежина, енергија и одлично ја завршија својата задача,“ рече Флик, кој не го криеше задоволството од перформансот на екипата.

Честа тема меѓу навивачите е ситуацијата со голманите, дали да брани Војчех Шчесни или Инаки Пења.

„Двајцата се одлични. Одлуките ги носиме врз основа на чувството за тоа што е најдобро за тимот. Засега, Шчесни заслужи да игра“, вели тој.

Особено интересен беше моментот со младиот Гави во последната четвртина од натпреварот.

„Планирав да го внесам Гави во последните 15 минути, но тој самиот предложи да влезе Пабло Торе наместо него. Тоа беше неверојатно несебичен потег, и токму затоа го обожавам Гави,“ откри Флик.

На таблата веќе стоеше резултатот 7:1, но за Торе, овие минути беа драгоцени за искуството и минутажата во Ла Лига, со оглед на тоа што не е стандардна опција во стартниот состав.

🔝 Gran gesto de Gavi con Pablo Torre

🪄 Flick: "Lo que más me impresionó fue cuando hablé con Gavi para que entrara y me dijo 'no, mete a Pablo Torre'. Me encanta Gavi, es top" pic.twitter.com/LWxRLcIYD2 — Carlos Monfort (@monfortcarlos) January 26, 2025

Овој гест на Гави го освои срцето на навивачите и дополнително ја зацврсти неговата позиција како омилен млад играч кај каталонскиот гигант.

Не е дозволено копирање и користење на содржините без да бидат исполнети
Условите за користење на содржините.