Јувентус го потврди третото јануарско засилување

January 27, 2025 | Kristijan Trajchov | Свет

Јувентус вечерва го официјализираше своето трето зимско засилување, промовирајќи го Ренато Веига како нов член на првиот тим. Младиот централен дефанзивец, кој може да игра и на левата бековска позиција, пристигнува од Челси на позајмица до крајот на сезоната. За време на овој период, неговата плата ќе биде целосно покриена од англискиот клуб. Веига ќе го носи дресот со број „12“ во Торино, а Јувентус за неговото ангажирање ќе исплати 4 милиони евра како фиксна сума за заемот. Оваа цифра може да порасне на 5,5 милиони евра доколку се активираат одредени бонуси. Со ова, Ренато Веига се приклучува на Алберто Кошта и Рандал Коло Муани, кои исто така пристигнаа во клубот во јануарскиот преоден рок. Управата на „Старата дама“ покажува јасна стратегија за зајакнување на тимот со млади и перспективни играчи, подготвени да дадат значаен придонес.

Adding aggression and athleticism to our backline 😤💪 pic.twitter.com/1RCVW2DPoM

— JuventusFC 🇬🇧🇺🇸 (@juventusfcen) January 27, 2025

Не е дозволено копирање и користење на содржините без да бидат исполнети
Условите за користење на содржините.