Ждрепка во ФА Куп: Сити против изненадувањето Плимут, Јунајтед со Фулам

February 10, 2025 | Kristijan Trajchov | Свет

Манчестер Сити повторно имаше среќа во ждрепката на ФА Купот, откако за противник го доби Плимут. Со години наназад, „граѓаните“ често извлекуваат полесни ривали во англиските купови, а оваа традиција продолжува и овојпат, бидејќи нивниот следен противник е тимот кој е најслаб во Чемпионшип. Иако Плимут направи изненадување со елиминацијата на Ливерпул, тоа не го менува фактот дека Пеп Гвардиола ќе може да ги одмори своите клучни играчи на домашен терен. Во другите натпревари од осминафиналето, посебно внимание привлекуваат двобоите Манчестер Јунајтед – Фулам и Њукасл – Брајтон, додека Борнмут ќе го пречека Волвс. Астон Вила, пак, ќе биде домаќин на Кардиф и има големи шанси за пласман во четвртфиналето. Сè уште чекаме да се комплетира списокот на тимови во оваа фаза. Во вторник ќе се одиграат уште два натпревара – Донкастер ќе го пречека Кристал Палас, а Нотингем Форест ќе се соочи со Ексетер. Сите двојки: Престон – Барнли Астон Вила – Кардиф Донкастер/Кристал Палас – Милвол Манчестер Јунајтед – Фулам Њукасл – Брајтон Бурнмаут – Вулверхемптон Манчестер Сити – Плимут Ексетер/Нотингем Форест – Ипсвич

Не е дозволено копирање и користење на содржините без да бидат исполнети
Условите за користење на содржините.