Ди Марија за Роналдо: Не е најдобар во историјата, роден е во погрешно време

February 14, 2025 | Kristijan Trajchov | Свет

Анхел Ди Марија е еден од ретките фудбалери кои имале привилегија да играат рамо до рамо со и Лионел Меси и Кристијано Роналдо. Со аргентинската репрезентација ја освои светската титула во 2022 година, а десет години претходно, заедно со Роналдо, го крена пехарот во Лигата на шампионите. Во интервју за Infobae, Ди Марија се осврна на неодамнешната изјава на Кристијано Роналдо, кој тврди дека е „најдобриот фудбалер во историјата и точка“. „Тоа не ме изненади, бевме соиграчи четири години и секогаш имаше такви изјави“, рече Аргентинецот, истакнувајќи дека за него нема дилема кој е најдобар. „Кристијано секогаш се трудеше да биде број еден, но, за жал, се роди во исто време со некој кој доби божествен дар. Погледнете ги фактите – осум Златни топки наспроти пет, светска титула, два трофеи во Копа Америка… Разликите се очигледни“, објасни Ди Марија. Аргентинецот додаде дека Меси игра со неверојатна леснотија. „Секој знае што ќе направи, но никој не може да го спречи. Дури и кога ќе наполни 40 години, ќе биде ист – тики-така, тики-така. Тоа го прави веќе 18-20 години“, заклучи Ди Марија, потенцирајќи дека за него Меси е најдобриот во историјата на фудбалот.

Не е дозволено копирање и користење на содржините без да бидат исполнети
Условите за користење на содржините.