Постекоглу: Аморим се жали за еден натпревар, да го видам два месеци да издржи

February 16, 2025 | Kristijan Trajchov | Свет

Анге Постекоглу беше задоволен што неговиот тим излезе како победник благодарение на погодокот на Џејмс Медисон во првото полувреме. Гостите настапија без голем број од своите искусни фудбалери, а од клупата, единствено Виктор Линделоф имаше претходно настап во првиот тим. И покрај тоа што Аморим имаше ослабен состав, Постекоглу не покажа премногу сочувство и веднаш ја истакна борбата на својот тим со повредите. „Аморим мораше да користи играчи на неприродни позиции и да има деца на клупата. Добредојдовте во мојот свет. Тоа е само еден меч, пробајте да го правите тоа два месеци. Но, мислам дека Манчестер Јунајтед одигра добро денес“, рече тој. Постекоглу цела сезона мораше да ротира фудбалери и млади играчи на нетипични позиции, што резултираше со слаби резултати. Пред натпреварот во неделата, Тотнем се наоѓаше на 15-тото место на табелата, а многумина сметаа дека клубот би можел да се раздели со австралискиот стратег. Сепак, со намалувањето на проблемите со повредите, Спарс конечно можат да гледаат нагоре, откако се искачија на 12-та позиција. Постекоглу се надева дека оваа победа може да го лансира Тотнем уште повисоко на табелата. Тие сега заостануваат само 13 бодови зад Борнмут, кој е на петтата позиција што потенцијално носи место во Лигата на шампионите следната сезона. Ако врзат неколку победи, можат да се најдат во зоната за европски натпреварувања. Следниот викенд, Тотнем гостува кај Ипсвич, со цел да продолжи со позитивниот моментум.

Не е дозволено копирање и користење на содржините без да бидат исполнети
Условите за користење на содржините.