Рубиалес осуден за контроверзниот бакнеж – ќе ѝ плаќа дневна казна (ВИДЕО)

February 20, 2025 | Kristijan Trajchov | Свет

Луис Рубиалес, поранешен претседател на Кралската шпанска фудбалска федерација (РФЕФ), е осуден на 18 месеци парична казна за сексуален напад поради тоа што без дозвола ја бакна фудбалерката Џенифер Ермосо на церемонијата на доделување медали на Светското првенство во Сиднеј во август 2023 година. Судската одлука предвидува дека Рубиалес треба да плаќа казна од 20 евра дневно во наредните 18 месеци, а истовремено му е забрането да се доближува на помалку од 200 метри до Ермосо и да стапува во контакт со неа во текот на една година. Иако обвинителството првично бараше казна затвор од две и пол години за сексуален напад и принуда, судот донесе одлука дека пресудата може да биде оспорена пред Кривичниот совет на Националниот суд. Покрај тоа, судот ги ослободи од вина тројцата други обвинети во случајот – поранешниот селектор на женската репрезентација Хорхе Вилде, екс-директорот на машката репрезентација Алберто Луке и поранешниот маркетинг директор Рубен Ривера, кои беа обвинети за изнуда. Претходно, Светската фудбалска федерација (ФИФА) го суспендираше Рубиалес на три години, утврдувајќи дека тој направил дисциплински прекршок со бакнежот на Ермосо во уста по победата на шпанската репрезентација на Мундијалот.

Не е дозволено копирање и користење на содржините без да бидат исполнети
Условите за користење на содржините.