Анри го предупреди Јамал: Внимавај да не завршиш како Кркиќ (ВИДЕО)

March 6, 2025 | Kristijan Trajchov | Свет

Тјери Анри, како редовен аналитичар во студиото на „Си-Би-Ес“, често дебатира заедно со Кејт, Карагер и Ричардс. Овој пат, неговите коментари за Ламин Јамал привлекоа особено внимание. Легендарниот Французин е воодушевен од тоа како младиот играч се носи со раната фудбалска слава, но истовремено упати предупредување до медиумите да не му создаваат дополнителен притисок. Последно време, многу се зборува за неговата неефикасност пред голот, но Анри смета дека треба да му се даде време. За да го долови предизвикот на раната слава, Анри направи паралела меѓу Ламин и Бојан Кркиќ, кој како тинејџер беше една од најголемите надежи во светскиот фудбал. „Ја имам видено оваа ситуација порано. Не лично, но видов млад играч кој експлодира на големата сцена на ист начин. Тоа беше Бојан Кркиќ. Ви препорачувам да го погледнете неговиот документарец, бидејќи таму е објаснето како може да се изгубите на толку млада возраст кога работите се случуваат пребрзо. Бојан се повлече од анксиозност и од желбата да не биде постојано во фокусот на јавноста. Луѓето забораваат дека овие играчи се само деца“, истакна Анри. Тој му честита на Бојан за искреноста во документарецот, споменувајќи дека дури и одби да оди на Европското првенство кога Шпанија ја освои титулата. „Тоа е одличен пример за да се сфати што значи да се биде голема ѕвезда толку рано“, заклучи Анри.

La comparación de Lamine Yamal que hace Henry en el post del benfica - Barcelona. Recomienda ver el documental de bojan, que por cierto tuvierno una gran relación de amistad en su etapa en FCB. pic.twitter.com/lZ1JFfDOne

— NiL (@NilCT14) March 6, 2025

Не е дозволено копирање и користење на содржините без да бидат исполнети
Условите за користење на содржините.