Гатузо пак ги почести своите играчи, овој пат со Луј Витон

March 8, 2025 | Kristijan Trajchov | Свет

Џенаро Гатузо повторно покажа великодушност кон своите играчи и стручниот штаб, и тоа во момент кога резултатите не се на посакуваното ниво. Откако во септември минатата година ги изненади сите со тоа што им купи нови модели на iPhone 16 како награда за победата над Динамо на Максимир, сега тренерот на Хајдук подготви уште поголемо изненадување. Овојпат, Гатузо обезбеди ваучери за луксузниот бренд Луј Витон во вредност од 50.000 евра, со што секој играч и член на стручниот штаб ќе може да си избере производи од омилената марка на многу фудбалери. Вредноста на секој ваучер се движи меѓу 1.500 и 2.000 евра. Иако Хајдук не блеска оваа пролет, со само две победи во седум натпревари – против Вараждин (1:0) и Осиек (4:0) – тимот сепак има шанса да стигне до врвот на табелата. Ремизираа со Славен Белупо (0:0), Истра (1:1) и Динамо (2:2), додека беа поразени од Локомотива (2:3) во првенството и елиминирани од Купот од Ријека (1:3). И покрај слабите резултати, ситуацијата во шампионатот е таква што Хајдук може да го заземе првото место, под услов да ја искористи шансата што ја нуди киксот на лидерот Ријека и да слави против Горица на домашен терен.

Не е дозволено копирање и користење на содржините без да бидат исполнети
Условите за користење на содржините.