Јамал: Ливерпул испадна, па сега ние сме главен фаворит за освојување на Лигата на шампионите

March 18, 2025 | Kristijan Trajchov | Свет

Младиот талент на Барселона, Ламин Јамал, со самодоверба истакна дека неговиот тим е главен кандидат за освојување на Лигата на шампионите и дека не стравува од ниту еден противник. Барселона во моментов е во одлична форма, а Јамал верува дека Каталонците се водечки фаворити за трофејот, иако во конкуренција сè уште се силни екипи како Реал Мадрид, ПСЖ, Интер, Баерн и Арсенал. Во четвртфиналето Барса ќе се соочи со Дортмунд, но изјавата на Јамал сугерира дека веќе размислува за следната фаза. „Откако Ливерпул испадна, ние сме главни фаворити за титулата. Не се плашиме од никого. Овој тим не е ист како пред една година кога се соочивме со ПСЖ – сега сме вистинско семејство“, рече Јамал.

Не е дозволено копирање и користење на содржините без да бидат исполнети
Условите за користење на содржините.