Ова се можните противници во следниот циклус на Лига на нациите (Фото)

March 24, 2025 | Kristijan Trajchov | Македонија

Македонската фудбалска репрезентација продолжува да испишува историја, остварувајќи шест последователни победи без да прими гол. Овој триумфален низ ни донесе влез во Сегментот Б на Лигата на нациите – ниво каде што конкуренцијата е далеку посилна од досегашниот Сегмент Ц. По завршувањето на сите бараж-дуели за промоција и опстанок, веќе се познати 12-те селекции што ќе се натпреваруваат во овој ранг. Ждрепката за новото издание на Лигата на нациите (2026/27) е закажана за почетокот на следната година, а Македонија ќе биде сместена во четвртиот шешир. Тоа значи дека ќе добиеме три ривали кои на хартија се фаворити, но нашите момци веќе покажаа дека знаат како да се борат со големите. Во најсилниот шешир се Шкотска, Унгарија, Полска и Израел, додека вториот го сочинуваат Швајцарија, Босна и Херцеговина, Австрија и Украина. Во третиот се Словенија, Грузија, Ирска и Романија, додека во четвртиот, заедно со Македонија, се Шведска, Северна Ирска и Косово. Ова значи дека не можеме да се најдеме во иста група со селекциите од нашиот шешир, но кој и да ни биде противник – „црвено-жолтите“ ќе бидат подготвени за нови предизвици!

2026-27 UEFA Nations League B Pot 1: 🏴󠁧󠁢󠁳󠁣󠁴󠁿 🇭🇺 🇵🇱 🇮🇱 Pot 2: 🇨🇭 🇧🇦 🇦🇹 🇺🇦 Pot 3: 🇸🇮 🇬🇪 🇮🇪 🇷🇴 Pot 4: 🇸🇪 🇲🇰 NIR 🇽🇰

— We Global Football (@We_Global) March 23, 2025

Не е дозволено копирање и користење на содржините без да бидат исполнети
Условите за користење на содржините.