Омерагиќ купи 300 билети за утрешниот дуел со Велс

March 24, 2025 | Kristijan Trajchov | Македонија

Утрешниот квалификациски натпревар меѓу Македонија и Велс ќе има многу поголемо значење од обична спортска пресметка. Фудбалската федерација на Македонија донесе благородна одлука – сите средства од продажбата на билетите ќе бидат донирани во солидарниот фонд за помош на семејствата на жртвите и повредените во трагедијата што ја потресе Кочани.

Претседателот на ФФМ, Масар Омерагиќ, веќе го даде својот личен придонес, купувајќи 300 билети кои ќе им ги подари на оние на кои им се најпотребни. Неговата иницијатива е поттик за сите љубители на фудбалот и луѓето со големо срце да се приклучат во оваа акција.

Овој натпревар ќе биде повеќе од спортски дуел – ќе биде симбол на заедништво, поддршка и надеж. Македонската публика има можност да покаже дека фудбалот е повеќе од игра – тоа е емоција, солидарност и сила која може да донесе светлина во најтешките моменти.

Не е дозволено копирање и користење на содржините без да бидат исполнети
Условите за користење на содржините.