Миовски вечерва ќе настапи во посебни копачки во чест на настраданите во Кочани (ФОТО)

March 25, 2025 | Kristijan Trajchov | Македонија

Македонската фудбалска репрезентација вечерва ќе се соочи со сериозен предизвик против Велс во квалификациите за Светското првенство, а напаѓачот Бојан Миовски ќе излезе на терен во специјално дизајнирани копачки, инспирирани од неговата татковина. Миовски на социјалните мрежи ги сподели своите нови копачки, кои не се обични – на нив гордо блеска македонското знаме, заедно со иницијалите на неговото семејство. Со овој гест, голгетерот не само што покажува национален гордост, туку и ја носи поддршката од најблиските на секој чекор во пресрет на важниот натпревар. Со симболиката што ја носи на нозете, Миовски вечерва ќе има дополнителен мотив да го даде максимумот и да ја израдува Македонија со голгетерски настап. „Секој човек има своја приказна и секој човек има свое животно патување. Навраќајќи се во моето детство додека ги држев моите први копачки, се сетив дека кажав нешто што длабоко посакував: „Еден ден со цело срце ќе играм за мојата земја“ и еве ме, по многу години, играм за Македонија, мојата земја, бисерот на Балканот. Овие специјализирани копачки имаат исклучително значење, со свето нешто - моето национално знаме и иницијалите на моето семејство..  На денешниот натпревар за македонската репрезентација, ќе ги носам во чест и сеќавање за сите што ги загубивме на 16.03.2025 година, за сите кои се уште се борат за своите животи и за сите семејства. Нека почиваат во вечен мир упокоените души, сите мои молитви за повредените“, напиша тој.

 

View this post on Instagram

 

A post shared by Bojan Miovski (@miovskibojan)

Не е дозволено копирање и користење на содржините без да бидат исполнети
Условите за користење на содржините.