„Л’Екип“ објави листа на најплатени фудбалери во Европа

March 27, 2025 | Kristijan Trajchov | Свет

Францускиот весник „Л’Екип“ спроведе детално истражување за најплатените фудбалски ѕвезди во петте најсилни европски лиги, а на врвот на оваа финансиска пирамида се наоѓа Килијан Мбапе, голгетерот на Реал Мадрид. Според податоците, Мбапе е убедлив лидер со неверојатни 2,67 милиони евра месечна бруто плата. Неговиот најголем ривал, напаѓачот на Манчестер Сити, Ерлинг Халанд, е веднаш зад него со 2,57 милиони евра. Третото место на оваа престижна листа му припаѓа на Винисиус Жуниор, кој заработува 2,5 милиони евра месечно. Веднаш зад него се Кевин Де Брујне со 2,06 милиони, а листата на најплатени ја заокружуваат Касемиро и Мохамед Салах, кои секој месец инкасираат по 1,8 милиони евра.

Не е дозволено копирање и користење на содржините без да бидат исполнети
Условите за користење на содржините.