Барса ќе биде учесник на Светското клупско првенство!?

April 15, 2025 | Kristijan Trajchov | Свет

Светското клупско првенство наскоро би можело да добие нов учесник, а тоа да биде никој друг туку Барселона. Според новинарот Дејвид Феителсон, ФИФА ја разгледува можноста да ја покани каталонската екипа, поради неочекувана промена во составот на учесниците. Причината за ова е исклучувањето на мексиканскиот клуб Леон. Имено, сопственикот на Леон е ист со оној на Пачука, клуб кој веќе има обезбедено учество на првенството. Согласно правилата на ФИФА, еден сопственик не смее да има два клуба во исто натпреварување. Леон требаше да биде дел од групата со Фламенго, Челси и Есперансе од Тунис, а сега тоа испразнето место бара нов сопственик. Извештаите велат дека ФИФА сериозно размислува на Барселона како соодветна замена. Доколку се оствари ова сценарио, Барса ќе стане трет шпански клуб на Светското клупско првенство, приклучувајќи се на Реал Мадрид и Атлетико Мадрид.

Не е дозволено копирање и користење на содржините без да бидат исполнети
Условите за користење на содржините.