Вардар загуби од Црвена Звезда во хуманитарниот меч во чест на Кочани (ВИДЕО)

April 16, 2025 | Kristijan Trajchov | Македонија

Пред околу 25.000 гледачи на арената „Тодор Проески“ во Скопје, Вардар и Црвена Звезда одиграа хуманитарен натпревар во чест на жртвите од трагичниот пожар во Кочани. Натпреварот имаше за цел да се соберат средства за помош на семејствата на загинатите и повредените, меѓу кои имаше 61 жртва и над 150 повредени. Најтрофејниот македонски клуб прв поведе преку одличниот удар на Михаил Маневски, кој голот го посвети на својот загинат соиграч Андреј Лазаров. Претходно, Дуарте се закани кон голот на Вардар, но Гачевски со одлична интервенција ја сочува мрежата. Сепак, крајот на првото полувреме донесе целосен пресврт – Илиќ и Катаи погодија за 1-2 во корист на Црвена Звезда. Конечниот резултат 1-3 го постави Слепчевиќ во второто полувреме, осигурувајќи ја победата на српскиот шампион. Иако Вардар беше поразен, симболиката на мечот и солидарноста што ја покажаа двете екипи оставија силна емоционална порака.

Не е дозволено копирање и користење на содржините без да бидат исполнети
Условите за користење на содржините.