Моќта на фудбалот: Кога солзите станаа славје за три минути за младиот навивач на Јунајтед (ВИДЕО)

April 18, 2025 | Kristijan Trajchov | Свет

Неверојатна драма се одигра на „Олд Трафорд“, каде Манчестер јунајтед успеа да го елиминира Лион по вистински фудбалски трилер и да обезбеди пласман во полуфиналето на Лига Европа. Францускиот тим имаше резултат од 2-4 во продолженијата, но за само седум минути Јунајтед направи шокантен пресврт, постигнувајќи три гола и обезбедувајќи полуфинале. По головите на Коби Мејну и Хари Мегваер, во самиот финиш, „црвените ѓаволи“ поведоа со 5-4 и го завршија мечот како победници. Меѓу најемотивните моменти беше реакцијата на едно младо „ѓаволче“ на трибините. Камерите го уловија додека плачеше во 118-та минута, преплашен дека неговиот тим ќе биде елиминиран од десеткуваниот Лион. Но, само три минути подоцна, неговото лице блескаше од радост. Телевизискиот пренос пренесе вистински ролеркостер на емоции, а присутните навивачи ја доживеаа секоја секунда од фудбалскиот спектакл.

There were only 90 seconds difference between the two emotions! ✨✅ pic.twitter.com/9Ef7V40gUx

— Man United Fan Club (@manufcnow) April 17, 2025

Не е дозволено копирање и користење на содржините без да бидат исполнети
Условите за користење на содржините.