Реал се откажа од шпанската сензација чија цена за една сезона порасна на 60 милиони

April 23, 2025 | Kristijan Trajchov | Свет

Младиот и талентиран дефанзивец Дин Хујсен се најде во фокусот на неколку европски гиганти, но според последните информации, Челси се појавува како водечки кандидат за неговиот потпис. Хујсен имаше блескава сезона во редовите на Борнмут, каде го привлече вниманието на клубови како Реал Мадрид кој се откажа поради високата цена, Ливерпул, Арсенал, Њукасл и Тотeнхем. Сепак, токму лондонските „сини“ се подготвени најбрзо да реагираат и да ја активираат неговата откупна клаузула од околу 60 милиони евра (50 милиони фунти). Стоперот, кој има само 20 години, веќе ги направи првите чекори и на репрезентативно ниво, дебитирајќи за Шпанија. Неговата вредност експлодираше од трансфер од 15 милиони евра од Јувентус во Борнмут, до потенцијална зделка вредна четири пати повеќе, за само една сезона. Челси е решен да ја победи конкуренцијата и да го доведе еден од најперспективните дефанзивци во европскиот фудбал, со цел да го засили задниот ред за наредната сезона.

Не е дозволено копирање и користење на содржините без да бидат исполнети
Условите за користење на содржините.