Ханси Флик ја откри најтешката одлука која морал да ја донесе сезонава

May 17, 2025 | Kristijan Trajchov | Свет

По сите титули со Баерн Минхен, Ханси Флик конечно имаше можност да ја доживее вистинската магија на шампионската парада – и тоа со Барселона. Пандемијата на Ковид-19 му ги украде тие моменти во Германија, но каталонските улици му ја вратија таа радост и тоа со полна сила. Илјадници навивачи, играчи, тренери, целата екипа се стопи во едно славеничко срце. Но зад широките насмевки и огнометите, тренерот имаше и моменти на длабока рефлексија. Во разговор со новинарите, Флик откри дека една од најтешките одлуки оваа сезона не беше тактичка, туку емотивна – изборот на Војчех Шчесни како прв голман, пред младиот Ињаки Пења. „Не можете да замислите колку тешка одлука беше тоа за мене. Пења е неверојатен човек и професионалец. Разбирам зошто се почувствува повредено. Но понекогаш, тренерот мора да донесе тешки избори за доброто на тимот“, рече Флик. Сепак, најемотивниот момент не беше поврзан со теренот. Смртта на клубскиот доктор, Карлес Мињаро, остави длабок белег во душата на тимот и тренерот. „Карлес повеќе не е со нас, но секогаш ќе биде дел од нас. Тој беше личност што не се заборава. Сигурен сум дека е горд на тимот и на сè што постигнавме оваа сезона,“ рече Флик со глас натежнат од емоции.

Не е дозволено копирање и користење на содржините без да бидат исполнети
Условите за користење на содржините.