Срам на УЕФА: Три ѕвезди на Тотенхем останаа без медали од ЛЕ! (ВИДЕО)

May 22, 2025 | Kristijan Trajchov | Свет

Тотенхем конечно ја прекина 17-годишната суша и ја освои својата прва титула по долго време, славејќи над Манчестер Јунајтед со 1-0 во финалето на Лига Европа во Билбао. Сепак, наместо да биде вечер на беспрекорно славје, церемонијата на доделување на медалите заврши со вистински скандал. Кога фудбалерите на Тотенхем пристапија кон претседателот на УЕФА, Александер Чеферин, за да ги добијат своите медали, дојде до бизарна ситуација: тројцата најважни играчи на лондонскиот клуб – капитенот Хјонг-Мин Сон, најдобриот играч на финалето Кристијан Ромеро и клучниот играч од средниот ред Родриго Бентанкур – останаа без медали. Во моментот кога дојдоа на ред, Чеферин едноставно немал повеќе медали. Наместо заслужено признание за својата улога во историјата на клубот, тројцата добија само ракување. Англиските медиуми не го поштедија УЕФА, нарекувајќи го инцидентот „срамота без преседан“, особено што, како што се дознава, осуммина судии и играчи како Џејмс Медисон – кој не одигра ниту една минута во финалето – добиле свои медали. Иако Сон подоцна со гордост го крена и бакна трофејот, фотографиите од него без медал околу вратот станаа симбол на овој голем превид. Се очекува УЕФА во наредните денови да се извини јавно и да испрати дополнителни медали до фудбалерите што беа неправедно изоставени од церемонијата.

UEFA ran out of medals for Son, Romero and Bentacur byu/justwannabeehappy insoccer

Не е дозволено копирање и користење на содржините без да бидат исполнети
Условите за користење на содржините.