Постекоглу бил во право: Точно е дека освојува трофеи во втората сезона! (ФОТО)

May 22, 2025 | Kristijan Trajchov | Свет

По долги 17 години чекање, Тотенхем конечно се радува на трофеј, а човекот што го предводеше тимот до успехот е Анже Постекоглу – стратегот кој уште минатата сезона го најави ова сценарио, иако малкумина му веруваа. Во септември минатата година, по болен пораз од Арсенал на домашен терен, Постекоглу самоуверено изјави: „Вообичаено освојувам трофеи во мојата втора сезона.“ Таа изјава тогаш беше пречекана со потсмев, а дел од фудбалската јавност го нарече наивен. Сепак, времето го покажа спротивното. Со огромна верба и цврст карактер, Австралиецот успеа токму во својата втора сезона да го донесе европскиот трофеј во редовите на „Спарс“, победувајќи го Манчестер Јунајтед во финалето на Лигата на Европа. „Верував во тоа. Го имав тоа во мене повеќе од било што“, изјави емотивниот Постекоглу по триумфот во Билбао. Фудбалерите на Тотенхем не ја заборавија неговата храбра изјава. За време на прославата извадија банер со токму таа реченица, како симбол на тоа колку нивниот менаџер верувал – и колку бил во право. Трофејот на Тотенхем не е само спортски успех, туку и победа на визијата, трпението и упорноста. Постекоглу докажа дека некогаш најголемата сила лежи во вербата – дури и кога никој друг не верува.

Не е дозволено копирање и користење на содржините без да бидат исполнети
Условите за користење на содржините.