Познат новиот клуб на Де Брујне

May 22, 2025 | Kristijan Trajchov | Свет

По една деценија во дресот на Манчестер Сити, Кевин Де Брујне ќе стави крај на својата блескава етапа кај „граѓаните“. Белгискиот плејмејкер, кој стана симбол на златната ера на клубот, ќе го одигра својот последен натпревар за Сити викендов против Фулам, а потоа ќе го напушти „Етихад“. Според извештаите од Италија, Де Брујне ја избрал следната станица во кариерата – Наполи. Наводно, трансферот е веќе договорен и потврден, и покрај обидите на Јувентус да се вмеша и да го расипе планот на „небесно-сините“ од Неапол. Тие му понудиле на Де Брујне тригодишен договор, според кој во првите две сезони ќе заработува по 10 милиони евра нето годишно. Во третата сезона, која ќе биде опционална, платата ќе биде нешто пониска, но со дополнителни бонуси поврзани со настапи и успеси на клубот. Овој потег претставува сериозен чекор за Наполи, кој по минатогодишната шампионска титула има амбиции повторно да се врати на врвот на италијанскиот фудбал и да биде конкурентен на европската сцена. Де Брујне, со своето искуство, визија и креативност, е замислен како лидер на новата ера на клубот.

Не е дозволено копирање и користење на содржините без да бидат исполнети
Условите за користење на содржините.