Турски инвеститор го презема Тиквеш, ќе дава по еден милион евра годишно!

May 22, 2025 | Kristijan Trajchov | Македонија

Турски инвеститор го презема Тиквеш, ќе дава по еден милион евра годишно!

Фудбалскиот клуб Тиквеш од Кавадарци официјално влегува во нова ера. Советот на Општина Кавадарци ја започна постапката за продажба на клубот, а како што беше најавено уште пред неколку месеци, нов инвеститор ќе биде Турчин кој живее и работи во Германија. Според договорот, новиот сопственик се обврзал да вложува по еден милион евра годишно во следните пет години, при што 200.000 евра секоја година ќе бидат наменети за развој на младинските категории, што е исклучително важен сегмент за иднината на клубот и фудбалот во регионот. И покрај промената на сопственоста, клубот ќе го задржи името „Тиквеш“, а на претседателската функција ќе остане Миле Масларков, што покажува дека ќе има континуитет во управувањето. Дополнително, турскиот инвеститор го прифатил и долгот од 135.000 евра, што клубот го има во моментов, со што ќе се расчистат сите обврски од минатото. Тиквеш ја заврши сезоната 2024/25 на осмото место во Првата македонска фудбалска лига, со вкупно 34 освоени бодови, и новите инвестиции би требало да донесат поголеми амбиции и борба за повисок пласман во наредните сезони.

Не е дозволено копирање и користење на содржините без да бидат исполнети
Условите за користење на содржините.