ОФИЦИЈАЛНО: Фримпонг е нов фудбалер на Ливерпул!

May 30, 2025 | Kristijan Trajchov | Свет

Жереми Фримпонг официјално потпиша за Ливерпул во трансфер вреден 35 милиони евра. Холанѓанецот доаѓа како директна замена за Трент Александер-Арнолд кој официјално премина во Реал Мадрид во трансфер вреден 10 милиони евра. Во своето прво интервју за Liverpoolfc.com, Фримпонг изјави: „Сè мина прилично лесно. Ливерпул дојде и кажа дека има интерес, и за мене тоа беше очигледна одлука. За мене беше како: ‘Што и да направите, само завршете ја работата’, им реков на моите агенти: ‘Само завршете го ова.’ Навивачи на Ливерпул, ќе дадам сè од себе – енергија, борбеност, и се надевам дека заедно ќе победуваме, ќе славиме и ќе постигнеме сè заедно. Возбуден сум што сум тука. Ви благодарам што ме прифативте и нема да ве разочарам – ќе ви ја дадам енергијата што ја сакате.“ Тој пристигнува на „Енфилд“ по четири и пол сезони во Германија со Леверкузен, каде што одигра 190 натпревари, постигна 30 голови и забележа 44 асистенции. Фримпонг беше дел од тимот на Леверкузен кој испиша историја со освојување на Бундеслигата и ДФБ-Покалот во сезоната 2023/24, а нивната рекордна серија од 51 натпревар без пораз заврши во финалето на Лига Европа. Роден во Амстердам, Фримпонг ја започна својата кариера во младинските категории на Манчестер Сити, пред во 2019 година да се пресели во Селтик. Во Шкотска мина една и пол година и освои три големи трофеи, пред Леверкузен да го ангажира. Фримпонг дебитираше за сениорската репрезентација на Холандија во октомври 2023 година и досега има 12 настапи и еден постигнат гол за својата земја.

Не е дозволено копирање и користење на содржините без да бидат исполнети
Условите за користење на содржините.