Барди: И други големи селекции губеле бодови во Скопје, може и Белгија

June 5, 2025 | Kristijan Trajchov | Македонија

Барди: И други големи селекции губеле бодови во Скопје, може и Белгија

Македонската фудбалска репрезентација утре од 20:45 часот ќе го одигра еден од најважните натпревари во тековните квалификации за Светското првенство, пречекувајќи ја силната селекција на Белгија во Скопје. Капитенот Енис Барди со доза на оптимизам најави дека „црвено-жолтите“ се подготвени за големиот предизвик. „Знаеме дека Белгија е репрезентација со врвни индивидуалци, но ако го дадеме максимумот и настапиме тимски, имаме шанси. Не смееме да заборавиме дека овде, на домашен терен, веќе сме земале бодови против селекции како Англија и Италија“, истакна Барди. Тој ја потенцираше и важноста на искуството што го носат македонските фудбалери. „Имаме играчи кои настапуваат во најсилните европски лиги, и што е најважно — играме дома, пред нашите навивачи. Тоа е дополнителна мотивација“. Македонија ќе се обиде да продолжи со добрата серија на домашен терен, каде во изминатите години често знаеше да биде незгоден противник и за најголемите репрезентации.

Не е дозволено копирање и користење на содржините без да бидат исполнети
Условите за користење на содржините.