Деспотовски: Денешната победа во Казахстан е многу важна за нас!

June 9, 2025 | Kristijan Trajchov | Македонија

Македонската фудбалска репрезентација ја оствари својата цел во Астана, каде со минимална победа од 1-0 над Казахстан ги освои трите посакувани бода во четвртото коло од квалификациите за Светското првенство. Освен вредниот триумф, натпреварот го одбележа и деби настапот на младиот фудбалер Стефан Деспотовски, кој по мечот не ја криеше емоцијата што првпат го облече националниот дрес. „Се чувствувам прекрасно, првпат играм за Македонија. Успеавме да го решиме натпреварот во наша корист, иако беше навистина тешко на теренот. Ќе ми биде чест ако повторно играм за овој дрес“, изјави Деспотовски. „Покажавме дека можеме да играме против многу подобри селекции. Оваа победа во Астана е многу важна за нас“, додаде талентираниот бек. Македонија по четири одиграни натпревари во групата Ј е лидер со осум бодови, еден повеќе од Велс. Казахстан останува на три, Белгија има еден, а Лихтенштајн сè уште е без освоен поен. Со цврст карактер, борбеност и нови имиња како Деспотовски, македонската селекција покажува дека е на вистинскиот пат кон голем резултат.

Не е дозволено копирање и користење на содржините без да бидат исполнети
Условите за користење на содржините.