June 13, 2025 | | Свет
По неколку дена на интензивни преговори меѓу Нико Вилијамс и Баерн Минхен, сцената повторно се менува – Барселона се враќа во трката за младиот шпански репрезентативец.
Каталонскиот клуб минатото лето беше блиску до договор со офанзивецот на Атлетик Билбао, но трансферот тогаш пропадна. Сега, изгледа дека шансите повторно се будат.
Спортскиот директор на Барса, Деко, денеска се сретнал со агентот на Вилијамс, Феликс Таинта, во самиот град. Според извори блиски до клубот, разговорите се воделе во позитивен дух и се оценуваат како „ветувачки“.
Дополнителен „жар“ во шпекулациите додаде и младиот Ламин Јамал, кој на својот профил објави заедничка фотографија од репрезентативниот дрес со Вилијамс – гест што навивачите го протолкуваа како сигнал за негова можна преселба во Барселона.
Иако ништо не е официјално, јасно е дека Барса не се откажува од идејата да го донесе Вилијамс, а летниот преоден рок допрва ќе ги расветли следните чекори.

Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |