Вардар донесе Аргентинец кој играл и за Бока!

June 23, 2025 | Kristijan Trajchov | Македонија

Вардар го официјализираше своето најново засилување – 26-годишниот Аргентинец Диего Факундо Кастањеда, фудбалер со искуство од познатиот Бока Јуниорс. Новиот член на „црвено-црните“ доаѓа од црногорскиот Петровац, каде што минатата сезона се истакна со седум голови и пет асистенции. Кастањеда својата фудбалска приказна ја започна во младинскиот погон на Бока, а подоцна настапуваше и за „Б“ тимот на аргентинскиот гигант. Од Вардар истакнуваат дека станува збор за брз и технички поткован играч со одлично чувство за додавање и борбен дух – квалитети типични за аргентинската школа кои треба да донесат нова димензија во средниот ред. Со вакво засилување, Вардар не само што се засилува за домашниот шампионат, туку се подготвува и за европскиот предизвик – дуелот со Ла Фиорита од Сан Марино во квалификациите за Конференциската лига.

Не е дозволено копирање и користење на содржините без да бидат исполнети
Условите за користење на содржините.