June 29, 2025 | | Свет
Каталонскиот гигант Барселона конечно се подготвува да стави крај на едно од најтешките финансиски поглавја во својата историја. Станува збор за долг кон фудбалери што изнесуваше вкупно 121,7 милиони евра, кој клубот одлучи да го отплати во осум рати, распределени меѓу декември 2021, 2022, 2023 и 2024 година, како и јуни 2022, 2023, 2024 и 2025. Последната рата, во износ од околу 16 милиони евра, треба да се исплати во понеделник, на 30 јуни 2025 година. Според информациите од клубот, средствата се веќе одобрени и подготвени за исплата, што значи дека Барселона ќе ги затвори сите обврски поврзани со овие долгови. Со ова, Барса конечно ќе може да го затвори едно турбулентно финансиско поглавје и да се фокусира на иднината, откако со години наназад клубот се соочуваше со постојани економски проблеми. Најголемите долгови беа насочени кон следниве фудбалери: Лионел Меси – 47,6 милиони евра Самуел Умтити – 23,1 милион евра Серхио Бускетс – 22 милиона евра Антоан Гризман – 18 милиони евра Ѓорди Алба – 17,6 милиони евра Филипе Кутињо – 15,9 милиони евра Освен овие имиња, на списокот имало уште околу 30 поранешни и сегашни фудбалери, чии суми биле помали, но сепак дополнително ја нарушувале финансиската стабилност на клубот. Интересно е што некои играчи целосно или делумно ги простиле долговите, со што клубот дополнително заштедил над 40 милиони евра. Овој чекор ќе му овозможи на клубот конечно да се посвети на реконструкција и на стабилна иднина, ослободен од тежината на минатите грешки.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |