Ново поглавје за Крсте Велкоски – од капитен до клучен човек во Сараево!

July 4, 2025 | Kristijan Trajchov | Македонија

Крсте Велкоски ја менува работната обврска. По крајот на фудбалската кариера, поранешниот македонски репрезентативец се врати во ФК Сараево како нов технички директор. Тамошните навивачи добро го паметат – од 2017 до 2022 Велкоски беше лидер на теренот, а сега има нова улога во создавањето на тимот од сенка. Како технички директор, ќе биде главен мост меѓу спортскиот сектор, стручниот штаб и младинската академија, и ќе учествува во планирање на долгорочната стратегија на клубот. Дополнително, токму тој ќе се грижи новите фудбалери полесно да се адаптираат во клубот и градот. Велкоски ја заврши играчката кариера во Македонија, настапувајќи за Работнички и Македонија ЃП, но сега е време за нов предизвик.

Не е дозволено копирање и користење на содржините без да бидат исполнети
Условите за користење на содржините.