Вардар со драма во Сан Марино до второто коло, Јанкулов со автогол во финишот

July 17, 2025 | Kristijan Trajchov | Македонија

Вардар беше на чекор до нова победа против Ла Фиорита во реваншот од првото квалификациско коло во Конференциската лига, но автоголот на Јанкулов во судиското продолжение донесе реми (2-2). Сепак, со вкупни 5-2, „црвено-црните“ се пласираа во следната фаза каде ќе ги очекува швајцарскиот тим Лозана. И денешниот меч во Сан Марино започна безидејно за Вардар, па домаќините први дојдоа до водство по пенал во 10. минута. Мато израмни во 59. минута, а потоа следуваа неколку големи шанси за скопскиот тим. Во 85. минута Грандони си постигна автогол, но Вардар не издржа – Јанкулов несреќно си ја затресе сопствената мрежа во самиот финиш. Поддржани од голем број навивачи „Комити“, вардарци и покрај ремито, со сигурна предност од првиот меч одат чекор напред на европската сцена.

Не е дозволено копирање и користење на содржините без да бидат исполнети
Условите за користење на содржините.