July 26, 2025 | | Свет
На само дваесетина дена пред стартот на новата сезона во Премиер лигата, менаџерот на Манчестер Јунајтед, Рубен Аморим, направи голем пресврт – четворица играчи кои беа на излезна врата сега остануваат во плановите. Се работи за Џејдон Санчо, Антони, Алехандро Гарначо и Тајрел Маласија, кои требаше да бидат продадени ова лето, но Аморим изјави дека „навистина смета на нив“ и дека ќе останат доколку клубовите не ја исплатат бараната сума. Санчо беше блиску до Јувентус, Антони и Маласија минатата сезона беа на позајмици во Бетис и ПСВ, а Гарначо е интересен за Челси – но без конкретни понуди. „Знам дека клубот одреди цена за овие четворица фудбалери, но ако заинтересираните не платат колку што бараме, тие ќе останат во Јунајтед. Разбирам дека купувачите веројатно ќе го чекаат последниот момент, но можеби ќе ги дочека изненадување бидејќи навистина сметаме на нив“, рече Аморим.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |