Шкендија ги изненади сите: од 593. до 281. место за само неколку месеци

August 11, 2025 | Kristijan Trajchov | Македонија

Фудбалерите на Шкендија утре ќе го одиграат реванш-дуелот во третото квалификациско коло за Лигата на шампионите, каде тетовци ќе се обидат да го анулираат минималниот пораз од 1-0 во првиот меч во Скопје. Атмосферата во таборот на тетовскиот клуб е исполнета со оптимизам, а мотивацијата дополнително ја подгрева и големиот напредок на клубот на глобалната листа на Меѓународната федерација за фудбалска историја и статистика (ИФФХС). Во моментов, Шкендија се наоѓа на 281. позиција, што е импресивен скок од 312 места во однос на претходната рангирање, кога беше на 593. место. Ова е резултат на добрите игри во последниот период, особено во европските квалификации. На врвот на листата, Реал Мадрид ја задржува лидерската позиција, а зад „кралевите“ во топ десет се: ПСЖ, Челси, Интер, Барселона, Баерн Минхен, Борусија Дортмунд, Арсенал, Атлетико Мадрид и Ливерпул. Од регионалните клубови, најдобро пласиран е грчкиот Олимпијакос кој го држи високото 55. место, што уште повеќе ја нагласува важноста на овој напредок на Шкендија. Утрешниот натпревар ќе биде вистински тест за тетовци – можност да го потврдат својот раст и на теренот, а не само на хартија.

Не е дозволено копирање и користење на содржините без да бидат исполнети
Условите за користење на содржините.