August 14, 2025 | | Свет
Иако во последните месеци Џејдон Санчо најмногу се поврзуваше со можен трансфер во Јувентус, новите информации откриваат дека во трката за англискиот офанзивец сериозно влегла и Рома. Според добро информираниот новинар Фабрицио Романо, „волчицата“ испратила официјална понуда до Манчестер Јунајтед вредна 20 милиони евра. Планот на Рома е Санчо најпрво да пристигне на едногодишна позајмица, со задолжителна клаузула за откуп на крајот од сезоната за дополнителни 23 милиони евра. Ваквиот модел би ѝ овозможил на Рома да го распредели финансискиот товар, но и да го интегрира играчот пред трајно да го потпише. Санчо, кој во Манчестер Јунајтед пристигна со големи очекувања од Борусија Дортмунд, не успеа да го оправда високиот трансфер. Минатата сезона ја помина на позајмица во Челси, каде и покрај неколкуте солидни настапи, не го убеди лондонскиот клуб да го откупи неговиот договор. Со овој потег, Рома се надева дека ќе добие креативен играч кој може да го засили офанзивниот дел на тимот, додека Јувентус останува во игра, но моментално е во втор план.
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |