Леао мечтае еден напаѓач да дојде во Милан – „Ќе ги згазиме сите!“

August 15, 2025 | Kristijan Trajchov | Свет

Леао мечтае еден напаѓач да дојде во Милан – „Ќе ги згазиме сите!“

Ѕвездата на Милан, Рафаел Леао, јавно откри кој би сакал да му биде партнер во нападот на „Сан Сиро“ – и тоа не било кој, туку неговиот добар пријател Моизе Кин. Португалецот ја сподели својата желба за време на сесија во живо на „Твич“, каде играше видео игри и одговараше на прашања од фановите. На едно од нив – дали ќе го покани Кин да му се придружи на следниот стрим – Леао одговори во свој стил. „Би сакал… Би сакал да дојде и во Милан исто така! Го сакам Моизе, тој ми е брат и заедно би било лудо! Ќе ги згазиме сите!“ Иако Милан има потреба од нов напаѓач, шансите да го донесе Кин не се големи. Италијанскиот фудбалер моментално е под договор со Фиорентина, а неговата откупна клаузула изнесува 52 милиони евра. Дополнително, клубот од Фиренца е во преговори за нов договор со кој клаузулата би се зголемила или целосно би се тргнала следната сезона. Во меѓувреме, раководството на „росонерите“ води разговори со Манчестер Јунајтед за данскиот голгетер Расмус Хојлунд. Останува да се види дали емоционалниот апел на Леао ќе има влијание врз нивната трансфер стратегија.

Не е дозволено копирање и користење на содржините без да бидат исполнети
Условите за користење на содржините.