Јувентус е победник во ЛУДОТО дерби со 7 гола и два пресврти! (ВИДЕО)

September 13, 2025 | Kristijan Trajchov | Свет

Јувентус е победник во ЛУДОТО дерби со 7 гола и два пресврти! (ВИДЕО)

Во спектакуларен меч со седум голови, Јувентус го совлада Интер со 4-3 во третото коло од Серија А и ја запиша највредната победа на стартот од сезоната. Дуелот започна жестоко – Кели донесе водство за „старата дама“ во 14. минута, но Чалханоглу брзо израмни. Во финишот на првиот дел Јилдиз со прекрасен удар повторно ги крена трибините во Торино за 2-1. Интер во вториот дел ја презеде иницијативата: Чалханоглу со својот втор гол израмни, а Маркус Турам во 76. минута донесе пресврт за „нераѕурите“. Сепак, завршницата повторно му припадна на Јувентус – Кефрен Турам стрелаше за 3-3, а во последните мигови Аџиќ со страшниот удар ја потврди драматичната победа од 4-3. Јувентус со оваа победа останува во самиот врв на табелата, додека Интер ќе мора брзо да се консолидира по болниот пораз во дербито.

Не е дозволено копирање и користење на содржините без да бидат исполнети
Условите за користење на содржините.