September 17, 2025 | | Свет
Уште првиот ден од новата сезона во Лигата на шампионите донесе натпревар за паметење. Јувентус и Борусија Дортмунд одиграа спектакуларни 4:4, но покрај осумте погодоци, вниманието го одзеде бизарната сцена при досудениот пенал за „милионерите“ во 83-та минута. Кога судијата покажа на белата точка, на теренот настана вистинска расправија. Рами Бенсебаини прв ја зеде топката, но Серху Гираси инсистираше токму тој да го изведе ударот. Во расправијата се вклучија и Јулијан Брант и Карим Адејеми, кои се обидуваа да ја смират тензијата, но ситуацијата стана толку напната што мораше да реагира и тренерот Нико Ковач. Телевизиските камери го забележаа Ковач како мавта со рака и извикнува „Серху!“, па потоа „Рами!“, јасно изразувајќи незадоволство што не се почитува претходниот договор околу изведувачите на пенали. По натпреварот, стратегот на Дортмунд не го криеше разочарувањето. „Беше стресно. Морам да го пофалам тимот што играше вака пред страсна публика и одигра одлично прво полувреме. Во второто бевме поофанзивни и создадовме шанси. Но, последните неколку минути не беа добри и тоа боли. Сепак, момците заслужуваат пофалби“, изјави Ковач.
pic.twitter.com/dNMwoRd1YX 🤯 INCROYABLE SCÈNE À TURIN ! Guirassy obtient le penalty, mais visiblement l’entraîneur avait désigné Bensebaini comme le tireur ! Guirassy s’en tête dans un premier temps, mais laisse finalement le penalty qui sera transformé par l’algérien 😬
— 100% F⚽️⚽️T (@100pcentfoot) September 16, 2025
Не е дозволено копирање и користење на содржините без да бидат исполнети
Условите за користење на содржините.
September 13, 2024 |
September 7, 2024 |
September 16, 2024 |