Барселона доби казна и ќе биде без навивачите за гостувањето во Белград!

September 27, 2024 | Kristijan Trajchov | Свет

УЕФА реши да ја казни Барселона при што Каталонците ќе бидат без своите навивачи на следното гостување во Лигата на шампионите, а тоа е гостувањето кај Црвена Ѕвезда во Белград. „Контролното, етичкото и дисциплинското тело (ЦЕДБ) одлучи и забрани на ФК Барселона да им продава билети на своите навивачи за следниот натпревар во организација на УЕФА во согласност со член 26(3) од Дисциплинската регулатива на УЕФА“, стои во соопштението на УЕФА. Казната ќе биде во висина од 10.000 евра, а причината за ваквата казна е истакнатиот транспарент „Flick Heil“, порака која е упатена до Ханси Флик што е јасна лузија на злогласниот нацистички поздрав „Sieg Heil“. Натпреварот против Црвена Ѕвезда во Белград ќе се одигра на 6. ноември.

Не е дозволено копирање и користење на содржините без да бидат исполнети
Условите за користење на содржините.