На Роналдо не му се мирува: Сака нов договор!

September 29, 2024 | Kristijan Trajchov | Свет

Кристијано Роналдо во скоро време не размислува да прекине со фудбалот, па сега сака нов договор во Ал Наср, објави новинарот Николо Шира на социјалните мрежи. „Португалецот има намера да се натпреварува на Светското првенство во 2026 година и потребни му се натпревари за да остане во форма, тврди Шира. Ако тој настапи на Светското првенство, тој ќе стане првиот играч во историјата кој учествувал на шест различни Светски првенства. Тој сака да дојде и до 1000 постигнати голови во својата кариера, а за тоа му се потребни уште 97 голови. Роналдо заработува околу 200 милиони евра по сезона, а во Ал Наср дојде крајот на 2022 година.

Не е дозволено копирање и користење на содржините без да бидат исполнети
Условите за користење на содржините.