Менди откри кои фудбалери му позајмиле пари за издржување на семејството

October 15, 2024 | Kristijan Trajchov | Свет

Во интервју за „The Telegraph“, Бенжамин Менди објасни зошто е незадоволен од Манчестер Сити како клуб, а откри и други детали. Во 2021 година против него беше покренато обвинение за силување и сексуален напад, а во 2023 година беше ослободен по сите обвинувања. Тој рече дека на секс забавите присуствувале и други фудбалери на „граѓаните“, но на крајот само тој бил понижен. Французинот призна дека во тие тешки моменти, тројца играчи му помогнале финансиски. „Во еден период имав сериозни финансиски потешкотии. Се борев за издршка на мојот син, се чувствувам ужасно. Рахим Стерлинг, Бернардо Силва и Ријад Марез ми позајмија пари и ми помогнаа. Тие ми овозможија да си ги платам моите правни трошоци и да си го издржувам семејството“, открива Менди. Откако се докажа дека тој е невин, Менди сега ќе го тужи Манчестер Сити каде бара да му се исплатат 11 милиони фунти.

Не е дозволено копирање и користење на содржините без да бидат исполнети
Условите за користење на содржините.