Чеферин се возел со службениот авион за време на ЕП, иако биле дадени други препораки

November 13, 2024 | Kristijan Trajchov | Свет

Претседателот на УЕФА го користел приватниот авион на УЕФА за време на Европското првенство и покрај тоа што им било кажано да го намалат воздушниот сообраќај поради климатските промени. Тој извршил дури 16 летови и патувал дома до Љубљана, како и во Германија за време на турнирот. Во март, УЕФА лансираше „Калкулатор за јаглероден отпечаток“ и минатата недела објави извештај за одржливост со кој се пофали со 75 отсто намалување на летовите за националните асоцијации за време на турнирот, во споредба со ЕП 2016 година. Во извештајот, исто така, се вели дека 90 отсто од вработените за време на ЕП 2024 година патувале со јавен превоз во Германија. Нацијата домаќин за време на турнирот драстично ги намали трошоците за патување со воз, локално и национално. Меѓутоа, она што во извештајот не беше откриено е како на Александар Чеферин и на другите функционери им беше даден пристап до приватниот авион Bombardier Challenger 64 со 12 седишта, при што словенечкиот претседател на УЕФА го користеше за да патува дома до Љубљана за време на турнирот, како и помеѓу Германските градови за натпреварите на ЕП. Тој дури имал и 14-минутен лет меѓу Дизелдорф и Дортмунд на 18 јуни, кога самото патување може да се заврши со автомобил за помалку од еден час.

Не е дозволено копирање и користење на содржините без да бидат исполнети
Условите за користење на содржините.