Куман за Де Јонг: Не знам дали може да издржи 90 минути на теренот

November 15, 2024 | Kristijan Trajchov | Свет

Селекторот на Холандија, Роналд Куман не е сигурен дали играчот на Барселона Френки Де Јонг е спремен да истрча 90 минути. 27-годишниот играч заработи две повреди на зглобот во сезоната 2023-2024, поради што беше надвор од терените речиси седум месеци. Де Јонг се опорави минатиот месец и забележа седум настапи под водство на новиот тренер на Барселона, Ханси Флик и одигра вкупно 245 минути. Инаку, пред неколку дена самиот Де Јонг изјави дека не станува збор за повреда. „Очекуваме дека ќе игра во сабота, но ќе знам повеќе утре. Јасно е дека не е во топ форма, но најважно е што повторно е со нас. Сепак, не знам дали може да издржи 90 минути на теренот“, изјави Куман.

Не е дозволено копирање и користење на содржините без да бидат исполнети
Условите за користење на содржините.