Натпреварите од 17. и 18. коло од ПМФЛ ќе се играат без публика

December 2, 2024 | Kristijan Trajchov | Македонија

Натпреварите од 17. и 18. коло во Првата македонска фудбалска лига ќе се играат без присуство на публика, одлучи Комисијата за натпревари при Фудбалската федерација на Македонија. Оваа одлука е донесена по барање на Министерството за внатрешни работи (МВР), а како причина се наведуваат неодамнешните инциденти на фудбалските терени и потребата за спречување на насилство и недолично однесување пред, за време и по натпреварите. Утре од 13 часот ќе се играат натпреварите од 17. коло, додека средбите од 18. коло ќе се одиграат на 8 декември. И покрај што првично се планираше натпреварите да се играат пред публика, новата одлука е во интерес на сигурноста на учесниците и спречувањето на било какви нарушувања на редот. Фудбалската федерација на Македонија соопшти дека процената на Министерството за внатрешни работи беше клучна во донесувањето на оваа одлука, која има за цел да осигура мирен тек на натпреварите и да го зачува угледот на македонскиот фудбал.

Не е дозволено копирање и користење на содржините без да бидат исполнети
Условите за користење на содржините.