Реал рутински против Жирона! (ВИДЕО)

December 7, 2024 | Kristijan Trajchov | Свет

Фудбалерите на Реал Мадрид приредија вистинско шоу на гостувањето против Џирона, победувајќи убедливо со 3:0 и враќајќи се на второто место на табелата. Со овој триумф, „кралевите“ остануваат во трка за титулата, зад лидерот Барселона со само два бода разлика. Момците на Карло Анчелоти доминираа уште од почетокот. Првиот гол дојде во 37. минута, кога Џуд Белингем одлично ја искористи одбиената топка и ја испрати во мрежата за 0:1. Тоа беше само почетокот на комплетната контрола што Реал ја воспостави на теренот. Во второто полувреме, блесна младата ѕвезда Арда Гулер, кој во 55. минута со прецизен удар зголеми на 0:2. Кулминацијата дојде во 62. минута, кога по фантастична асистенција на Лука Модриќ, Килијан Мбапе стави точка на мечот со својот гол за конечни 0:3. Од домашниот тим, македонскиот репрезентативец Бојан Миовски беше стартер и имаше одлична шанса во првото полувреме, но неговиот обид не донесе резултат. Сепак, присуството на Миовски беше светла точка за фановите на Џирона. Оваа победа е значаен поттик за Реал во трката за шампионската титула и надеж за уште посилна завршница на сезоната.

Не е дозволено копирање и користење на содржините без да бидат исполнети
Условите за користење на содржините.