Барса во трка со времето, Лапорта во Катар за да го реши проблемот!

December 10, 2024 | Kristijan Trajchov | Свет

Барселона се соочува со голем предизвик во поглед на регистрацијата на Дани Олмо за вториот дел од сезоната. Крајот на декември е рокот до кога клубот мора да обезбеди потребни финансиски средства за да го задржи репрезентативецот на Шпанија. Олмо пристигна во Барселона од Ред Бул Лајпциг за трансфер вреден 55 милиони евра по неговите импресивни игри во дресот на шпанската репрезентација. Поради правилата за регистрација на играчи, Барселона можеше да користи 80% од платите на повредените Роналд Араухо и Андреас Кристенсен, но сега, со нивното опоравување, клубот мора да најде средства за покривање на вториот дел од сезоната. Покрај Олмо, Барселона води битка и за Пау Виктор, кој пристигна од Џирона на крајот од јули. Пред клубот е голем предизвик да обезбеди ресурси за да ги вклучи овие играчи во втората половина од шампионатот. Според информации од Шпанија, Барселона има потреба од 50 милиони евра за да го реши ова финансиско прашање. Во овој контекст, неодамна се појави информација дека клубот планира да ги продава ВИП местата на стадионот за следните 20 години, што би донело значителни 200 милиони евра. Шпанскиот весник „AS“ информира дека Жоан Лапорта, претседателот на Барселона, отпатувал во Катар каде што ќе се обиде да обезбеди средства за покривање на регистрацијата на Олмо и Виктор. Олмо потпиша договор со Барселона летото оваа година до 2030 година. Со шест голови во сите натпреварувања, тој е трет стрелец во тимот, зад Роберт Левандовски и Ламин Јамал.

Не е дозволено копирање и користење на содржините без да бидат исполнети
Условите за користење на содржините.